قواعد_الخسسان_العشرون‬

المشرفون: pureheart, ooo

قواعد_الخسسان_العشرون‬

مشاركةبواسطة pureheart في الثلاثاء سبتمبر 08, 2015 7:57 am

قواعد_الخسسان_العشرون‬

:
1 - بدل الملح ع الاكل حط ليمون .. بيديك نفس الجزة واللدعة بتاعة الملح
2 - بدل السكر ف المشروبات حط diet sweet البودرة اللى ف برطمان مش الاقراص
3 - امشى كتير .. ساعة ف اليوم ع الاقل
4 - امنع الدقيق والنشويات
5 - امنع الحاجة الساقعة ( المشروبات الغازية )
6 - اشرب عصير بيور أو لمار ( تفاح و اناناس و رمان ) أو سيزر ( جريب فروت )
7 - كُل فاكهة ( تفاح ، اناناس ، بطيخ ، كمثرى )
8 - كُل خضار فرادانى او سلطة ( طماطم ، خيار ، بقدونس ، جرجير ، خس ، سبانخ ، شبت )
9 - اللحوم ( لحمة مشوية ، سمك مشوى " ردة " ، تونة مصفاة الزيت ، فراخ مشوية بدون جلد )
10 - هات صورتك وانت ف اتخن حالاتك و الزقها ع التلاجة .. هتتكهرب كل ما تيجى تفتح بابها
11 - متقعدش جنب حد بياكل
12 - شوف حد يبدأ معاك الريجيم عشان تشجعوا بعض
13 - لما تتمشى اخرج و فـ جيبك بس حق المواصلة للمكان اللى عايز تمشى لحد عنده .. مش اكتر من تمن المواصلة .. روح للمكان بالمواصلة وإرجع مشى ما انت مبقاش معاك فلوس و هتبقى مجبر ترجع ماشى
14 - لما تتمشى بدل ما تحط ع ال mp3 اغانى حط مسلسلات اذاعية .. احمد حلمى و احمد مكى و غيرهم بيعملوا كل سنة ف رمضان مسلسلات حلوة .. مدة الحلقة10 دقايق و عدد الحلقات 30 .. نزلهم م النت
15 - ماتتطلعش بالاسانسير
16 - املا بطنك بالميه .. 3 لتر ع الأقل فـ اليوم
17 - اخر اكل يتمضع يدخل بقك يكون الساعة 8 بالليل بالكتير
18 - لما يوحشك الاكل وبعد مرور مش اقل من شهرين اتفرج ع حلقات الشيف شربينى ع اليوتيوب .. نفسيا هتفرق معاك و كأنك اكلت
19 - مشروبك الاساسى يكون ميكس ( جنزبيل + قرفة + ليمون + الشاى الاخضر ) .. طعمه مستساغ و بيسد النفس و بيحرق الدهون المتراكمة و بينزل الدهون اللى ف اى اكلة دسمة مع الفضلات
20 - متوزنش نفسك غير قبل بداية الريجيم مرة واحدة بس .. وبعد كده مرة واحدة كل شهر عشان ماتحبطش نفسك
# خسوا يا جماعة عشان نفسكم مش عشان حد .. عشان صحتكم وروحكم المعنوية وثقتكم فـ نفسكم .. خسوا عشان حاجات كتير جداً .. التخين يخس و الرفيع يحاول يحافظ ع وزنه بدون زيادة .. هو طريق صعب وغلس فـ بدايته بس إنت مش محتاج أكتر من 48 ساعة تعّود ع نظامك الغذائى الجديد عشان جسمك ياخد عليها .. التعب هيكون أول 48 ساعة بس بعد كده خلاص .. معدتك هيبدأ حجمها يقل تدريجياً بعد أول 3 أسابيع .. الموضوع يستاهل والله .. خسوا
اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت ربُّ المستضعفين
----------------------------------------------------------

الأسلام هو كل شىء - مصر - تنمية بشرية - عالم الابراج -مطبخ أم أحمد - الغذاء الصحي - همسات الحب - الموسوعة الاسلامية - تعليم -
صورة العضو الشخصية
pureheart
مشرف قسم ادم وحواء
 
مشاركات: 2465
اشترك في: الثلاثاء ديسمبر 09, 2008 7:11 pm


العودة إلى قسم الصحة والتغذية والحياة

الموجودون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر


cron